செங்கோட்டை அருகே ஒரு சொர்க்க பூமி தென்மலை :

தமிழகத்தில் தென்காசி மாவட்டம் செங்கோட்டையிலிருந்து 29 கிமீ தொலைவில் அமைந்துள்ளது தென்மலை. பல ஏக்கர்களில் விரிந்திருக்கும் பசுமை மாறாக்காடுகளை கொண்டிருக்கும் இந்த இயற்கை சுற்றுலா வளாகம் உள்நாடு மற்றும் வெளிநாடுகளிலிருந்து லட்சக்கணக்கான சுற்றுலாப்பயணிகளை ஈர்த்து வருகிறது.

செங்கோட்டை - கொல்லம் ரயில் பாதையில் உள்ள 13 கண் மதகுப் பாலத்தை,  பல படங்களில் நாம் பார்த்திருப்போம். இந்தப் பாலம் 108 ஆண்டுகள் பழைமையானது. `தளபதி' படத்தில் வரும் ரயில் காட்சிகள் இங்குதான் படமாக்கப்பட்டன. ட்ரெக்கிங், த்ரில்லிங், சாகசம், குழந்தைகள் விரும்பும் dancing நீருற்று... என, பரவசம் தரும் சுற்றுலாத்தளம் தென்மலை. 

‘சூழலியல்’ சுற்றுலாத்திட்டத்தின் அடிப்படையாக இப்பகுதி 5 மண்டலங்களாக பிரிக்கப்பட்டுள்ளது. கலாச்சார மண்டலம், சாகசப்பொழுதுபோக்கு மண்டலம், பொழுதுபோக்கு மண்டலம், மான்கள் மறுவாழ்வு மண்டலம் மற்றும் படகுச்சவாரி மண்டலம் என்பவையே அவை.

இந்த ‘சூழலியல்’ சுற்றுலாத்திட்ட வளாகத்தில் பல அரிய வகை தாவரங்கள் மற்றும் உயிரினங்கள் நிரம்பியுள்ளன. மலைப்பாங்கான அமைப்பை கொண்டுள்ள இந்த சுற்றுலாத்தலத்தில் படகுச்சவாரி, கயிற்றுப்பாலம், மலையேற்றம், சிகரமேற்றம், சைக்கிள் பயணம் மற்றும் இசை நீரூற்று போன்ற ஏராளமான சுற்றுலா அம்சங்கள் நிறைந்துள்ளன.

இயற்கை ரசிகர்கள் விரும்பக்கூடிய சொர்க்கபூமி

தேன்மலா சுற்றுலாத்தலத்தின் ஒரு முக்கியமான சிறப்பம்சமாக கல்லடா ஆற்றின் குறுக்கே கட்டப்பட்டுள்ள ஒரு அணை அமைந்துள்ளது. மேலும் பாலருவி நீர்வீழ்ச்சி எனும் ஒரு பிக்னிக் ஸ்தலமும் இங்கு அருகிலேயே உள்ளது.

இது தேனிலவுப்பயணிகள் மத்தியில் பிரசித்தமாக உள்ளது. பலவிதமான மான் இனங்கள் வசிக்கும் மான் பூங்காவும் அவசியம் பார்த்து ரசிக்க வேண்டிய ஒரு அம்சமாகும். இந்த பூங்காவில் கட்டப்பட்டிருக்கும் மரவீடுகள் ஒரு அற்புதமான சுற்றுலா அனுபவத்தை தர காத்திருக்கின்றன.

 இனிமையான மற்றும் மிதமான பருவநிலை இங்கு பயணிகளை வரவேற்கிறது. சாகசம் அல்லது பொழுதுபோக்கை விரும்பும் பயணிகளுக்கு ஒரு முழுமையான மறக்க முடியாத அனுபத்தை வழங்க இந்த தென்மலா சுற்றுலாத்தலம் காத்திருக்கிறது.வண்ணத்துப்பூச்சிப் பூங்கா, குழந்தைகளை மிகவும் கவரும். இங்கு 166 வகையான வண்ணத்துப்பூச்சிகள் உள்ளன. எனினும்,  அதிர்ஷ்டம் இருந்தால்தான் நம்மால் அவற்றைக் காண முடியும். இந்தப் பூங்காவில் வனவிலங்குகளும் ஏராளமாக உள்ளன.

 25 சாகச விளையாட்டுகள் விளையாடி மகிழலாம். மான் பண்ணையும் கடவுள்கள் உருவத்தில் செதுக்கப்பட்ட மரங்கள் நிறைந்த காடும்கூட கண்களுக்கு விருந்தளிக்கும். தென்மலை அணையில் படகுப் பயணம் போன்றவை குழந்தைகளைக் குதூகலிக்கச் செய்யும். அணைக்குள் எட்டு கிலோமீட்டர் படகில் அழைத்துச் செல்கிறார்கள். அப்போது, வனவிலங்குகளை நாம் காண முடியும். மாலையில் இங்கு உள்ள dancing fountain, பாடலுக்கு ஏற்ப நடனமாடி குழந்தைகளை உற்சாகம்கொள்ளவைக்கும். தமிழ், மலையாளம், இந்தி, ஆங்கில இசைக்கு dancing fountain நடனமாடுகிறது. திங்கள்கிழமை ஒருநாள் மட்டும் பராமரிப்புப் பணிகளுக்காக இந்த நீரூற்றுக்கு விடுமுறை. 

தென்மலையில் சுற்றுலா செல்ல, நாள் ஒன்றுக்கு பெரியவர்களுக்கு 680 ரூபாயும், சிறியவர்களுக்கு 655 ரூபாயும் கட்டணமாக வசூலிக்கப்படுகிறது. thenmalaecotourism.com என்ற தளத்தில் முன்பதிவு செய்துகொள்ளலாம். இரவில் தங்குவதற்கு, `கேம்ப்பிங் நெஸ்ட்' என்ற ஹோட்டல் கல்லாடா ஆற்றின் அருகே உள்ளது.
First Ecotourism in india. 

தென்மலைக்கு செல்வது எப்படி: 

தமிழகத்தில் நீங்கள் எந்த மாவட்டத்தில் இருந்து வந்தாலும் தென்காசி வர வேண்டும். தென்காசியிலிருந்து செங்கோட்டை வழியாக தென்மலைக்கு செல்ல பேருந்து மற்றும் ரயில் வசதிகள் அதிகமாக உள்ளது.

கொடைக்கானலின், அழகின் ரகசியமாக அறியப்படும் பூம்பாறை, கொடை மலையிலுள்ள மற்றொரு அழகிய கிராமமாகும், இது பச்சை போர்த்திய மலைகள் மற்றும் பசுமை பள்ளத்தாக்குகளால் சூழப்பட்ட பிரமிப்பூட்டுகிற அடுக்கடுக்கான நிலப்பரப்புகளைக் கொண்டிருக்கிறது. 

பூம்பாறை, கொடைக்கானல் ஏரியிலிருந்து 50 கிமீ தொலைவில் அமைந்துள்ளது. இந்த இடம் பூண்டு உற்பத்திக்கு பெயர் பெற்ற ஒரு சிறிய குக்கிராமமாகும்.  பூம்பாறை பழனி மலையின் ஒரு பகுதி, இது 1920 மீட்டர் உயரத்தில் அடுக்கடுக்கான வயல்களுக்கும், முடிவில்லாத வளமை ததும்புகிற பசுமைக்கும் மத்தியில் அமைந்துள்ளது.  கவர்ச்சிகரமான மலைகளுக்கு மத்தியில் அமைக்கப்பட்ட வண்ணமயமான வீடுகளின் மேற் கூரைகளின் காட்சியால்  பூம்பாறை இன்னும் அலங்கரிக்கப்பட்டுள்ளது. 

3000 ஆண்டுகள் பழமையான புராணக் கதைகளுடன் தொடர்புடையதாக நம்பப்படும் குழந்தை வேலப்பர் கோயில் அல்லது முருகன் கோயில் பூம்பாறையின் முக்கிய ஈர்ப்பாகும்.  அசல் கோயில் சேர வம்சத்தால் கட்டப்பட்டு முருகப்பெருமானுக்கு அர்ப்பணிக்கப்பட்டுள்ளது.கோயிலுக்கு வெளியே உள்ள பூண்டு சந்தையை தவறாமல் பார்க்கவும், குறிப்பாக ‘மலைப்பூண்டு’ (மலைப் பூண்டு) அதன் சுவை மற்றும் மருத்துவ மதிப்புக்காக போற்றப்படுகிறது.  பூம்பாறை காட்டிலிருந்து சேகரிக்கப்படும் காட்டுத் தேனும் இங்கு பிரசித்தி பெற்றுள்ளது. 

சுற்றிலும் மலைகள் ,மலைசரிவுகளில் வீடுகள் என ரம்மியமாக காட்சியளிக்கும் பூம்பாறை.
இயற்கை மற்றும் விவசாயத்தை நேசிக்கும் அனைவருக்கும் இங்கு சுற்றுலா செல்ல அலாதியாக இருக்கும். நேரம் கிடைத்தால் செல்ல முயற்சி செய்யலாம், இயற்கையோடு இயற்கையாக வாழ. 

கடல் மட்டத்திலிருந்து, 2,133 மீட்டர் உயரத்தில் அமைந்துள்ளது, மலைகளின் இளவரசியான கொடைக்கானல். கொடிகளின் காடு, கோடைக்கால காடு, காட்டின் அன்பளிப்பு என பல அர்த்தங்கள், கொடைக்கானல் என்ற பெயருக்கு உண்டு. வழியெங்கும் கொண்டை ஊசி வளைவுகள், அடர்ந்த வனம், பழமையான மரங்கள், வன உயிரினங்கள் என, சுற்றுலாவாசிகளின் கண்களை குளுமைப்படுத்தும் கொடைக்கானல்.

வெள்ளி நீர்வீழ்ச்சி

கொடைக்கானலில் இருந்து, 8 கி.மீ., தொலைவில், வெள்ளி நீர் வீழ்ச்சி அமைந்துள்ளது. 180 அடி உயரத்திலிருந்து கொட்டும் இந்த நீர்வீழ்ச்சி, பார்ப்பதற்கு அற்புத அனுபவத்தை தரும். இந்த நீர்வீழ்ச்சியில் குளிப்பதற்கு அனுமதி இல்லை என்பது குறிப்பிடத்தக்கது.

கொடைக்கானல் ஏரி

கொடைக்கானல் பேருந்து நிலையத்தில் இருந்து, 3 கிலோ மீட்டர் தொலைவில் கொடைக்கானல் ஏரி அமைந்துள்ளது. 1863ல், அப்போதைய மதுரை மாவட்ட ஆட்சியரால், செயற்கையாக இந்த ஏரி உருவாக்கப்பட்டது. 111 ஏக்கர் பரப்பளவில் அமைந்துள்ள இந்த ஏரியில், சுற்றுலா பயணிகள் படகு சவாரி செய்ய, சுற்றுலா துறையின் சார்பில் படகுகள் விடப்பட்டுள்ளன.

ஊசியிலை காடுகள்

கொடைக்கானலை பசுமையாக்கும் முயற்சியில், 1906ம் ஆண்டு இந்த காடு உருவாக்கப்பட்டது. ஊசியிலை காட்டுக்குள், குளிரை அனுபவித்தவாரே மெல்ல நடைபோடுவது, மனதிற்கு இனம் புரியாத மகிழ்ச்சியை தரும்.

குறிஞ்சி ஆண்டவர் கோவில்

இங்கு பிரசித்தி பெற்ற கார்த்திகேய குறிஞ்சி என்று அழைக்கப்படும், முருகன் கோவில் உள்ளது. 12 ஆண்டுகளுக்கு ஒரு முறை பூக்கும், குறிஞ்சி பூ இந்த கோவில் அமைந்துள்ள பகுதியில் பூக்கிறது. இது, கோவிலின் மற்றொரு சிறப்பம்சமாகும்.

பிரயண்ட் பூங்கா

கொடைக்கானல் பேருந்து நிலையத்தில் இருந்து, 500 மீட்டர் தொலைவில் பிரயண்ட் பூங்கா அமைந்துள்ளது. 1908ம் ஆண்டு, எச்.டி.பிரயண்ட் என்பவரால், 20.5 ஏக்கர் பரப்பளவில் இந்த பூங்கா உருவாக்கப்பட்டது.

இந்த பூங்காவில், 325 வகையான மரங்கள், 740 வகையான ரோஜா மலர்கள் உள்ளன. 150 வயதுடைய போதி மரமும், யூகலிப்டஸ் மரமும் இந்த பூங்காவில் உள்ள சிறப்பாகும்.

ஒவ்வொரு ஆண்டும் மே மாதம் தோட்டக்கலை துறை சார்பில், மலர் கண்காட்சி நடைபெறும். காலை 9:00 மணியிலிருந்து, 6:00 மணி வரை மட்டுமே, பூங்காவினுள் அனுமதி உள்ளது. பூங்காவை பார்வையிடுவதற்கு கட்டணம் வசூலிக்கப்படுகிறது.

மேகத்தின் மீது நடைபயணம்

கடந்த 1872ம் ஆண்டு கோக்கர் என்பரால் உருவாக்கப்பட்டது, கோக்கர்ஸ் நடைபாதை.

1 கி.மீ., தூரமுடைய இந்த நடைபாதையில் இருந்து மதுரை, பெரியகுளம், டால்பின் மூக்கு, பம்பா ஆறு போன்றவற்றை காணலாம. வான் ஆலன் மருத்துவமனை அருகே தொடங்கும் இந்த நடைபாதையில் நடக்கும் போது சில நேரங்களில் உங்கள் நிழலை வானில் மிதக்கும் மேகங்களின் மீது காணமுடியும் என்பது இதன் சிறப்பாகும்.

செண்பகனூர் அருங்காட்சியகம்

இந்த அருங்காட்சியகம், 1895ம் ஆண்டு திறக்கப்பட்டது. இங்கு, 500க்கும் மேற்பட்ட விலங்குள், பூக்கள், பூச்சிகள், பட்டாம்பூச்சிகளின் மாதிரிகள் உள்ளன. கொடைக்கானல் பேருந்து நிலையத்தில் இருந்து, 6 கி.மீ., தொலைவில் உள்ளது இந்த அருங்காட்சியகம். செவ்வாய்க்கிழமை தவிர மற்ற நாட்களில் இயங்கும்.

குணா குகை

பிசாசின் சமையலறை என்று அழைக்கப்பட்ட இந்த குகை, கமல்ஹாசன் நடித்த குணா படம் வெளியான பிறகு, குணா குகை என்றழைக்கப்படுகிறது. கடந்த சில ஆண்டுகள், குகையை சென்று பார்வையிட அனுமதி வழங்கப்பட்டது. தற்போது பாதுகாப்பு காரணங்களுக்காக, அனுமதி மறுக்கப்பட்டுள்ளது.

தற்கொலை முனை

கொடைக்கானல் , பேருந்து நிலையத்தில் இருந்து 3.5 கி.மீ., தொலைவில் கோல்ப் மைதானம் அருகே இந்த பள்ளத்தாக்கு அமைந்துள்ளது. இந்த பள்ளத்தாக்கின் உயரம், 1,500 மீட்டர் மேக மூட்டங்கள் குறைவாக இருந்தால், இந்த பள்ளத்தாக்கில் இருந்து, வைகை அணையை காணலாம். இந்த பள்ளத்தாக்கில் நிறைய காதல் ஜோடிகள் விழுந்து தற்கொலை செய்து கொண்டதால், இதற்கு தற்கொலை பள்ளத்தாக்கு என்கிற பெயர் உள்ளது.

டால்பின் மூக்கு

பாம்பர் பாலத்தின் அருகே, டால்பின் மூக்கு பகுதி அமைந்துள்ளது. இந்த இடத்தில் பார்த்தால் பெரிய பாறை ஒன்று டால்பின் மூக்கு போன்று தெரியும். இந்த பாறையின் கிழே 6,600 அடி ஆழமுடைய பள்ளம் இருக்கிறது.

பழநி

கொடைக்கானலில் இருந்து. 64 கி.மீ., தொலைவில் பழநி மலை உள்ளது. முருகனின் அறுபடை வீடுகளில் ஒன்றாக பழநி தண்டாயுதபாணி முருகன் கோவில் உள்ளது. கொடைக்கானல் சுற்றுலா வருவோர், அங்கிருந்து பேருந்தில் பழநிக்கு எளிதில் செல்லலாம்.

ஆதிவாசிகளின் வாழ்விடம்

கொடைக்கானலில் இருந்து, 40 கி.மீ., தொலைவில், குக்கால் குகை உள்ளது. சுற்றுலா பயணிகள், அதிகம் பேர் இந்த குகைக்கு செல்லாததால், இன்னும் இயற்கை மாறாமல் பொலிவுடன் உள்ளது. இந்த குகை அருகில் உள்ள நீர்வீழ்ச்சியும், மாசுபடாமல் உள்ளது. இந்த பகுதியில் ஆதிவாசிகள் வாழ்ந்ததற்கான அடையாளங்கள் காணக்கிடக்கின்றன.

குள்ள மனிதர்களின் வாழ்விடம்

கொடைக்கானலில் இருந்து, 18 கி.மீ., தொலைவில் டால்மன் சர்க்கிள் பகுதி உள்ளது. இங்க குள்ள மனிதர்கள் வாழ்ந்த குகைகள் உள்ளன. தற்போதும், தாண்டிக்குடி, பெருமாள் மலை உள்ளிட்ட பகுதிகளில் குள்ள மனிதர்கள் வாழ்ந்து வருகின்றனர்.

டெலஸ்கோப் இல்லம்

சுற்றுலா பயணிகள் டெலஸ்கோப் இல்லத்தில் இருந்து கொடைக்கானலின் பசுமை வீடுகள், சமவெளிகள், அருகிலுள்ள நகரங்கள் ஆகியவற்றை பார்க்க முடிகிறது. அதற்கு கட்டணம் வசூலிக்கப்படுகிறது.

மேலும் தலையர் நீர்வீழ்ச்சி, வானிலை ஆய்வுக்கூடம், தூண் பாறைகள், கோல்ப் மைதானம் என, பார்க்க ஏகப்பட்ட இடங்களை வைத்திருக்கிறது கொடைக்கானல்.

கொள்ளை அழகுகளைக் கொண்ட... குளு குளு... கொழுக்குமலை.!

தேனியிலிருந்து ஏறத்தாழ 65கி.மீ தொலைவிலும், கோவையிலிருந்து ஏறத்தாழ 212கி.மீ தொலைவிலும், அமைந்துள்ள பிரம்மாண்டமான இயற்கை சுற்றுலாத்தலமாக கொழுக்குமலை திகழ்கிறது.

அழகான மலையும், சாரல் குளிர்காற்றும் நம்மை உற்சாகப்படுத்தும் உணர்வே தனி சுகம். கடல் மட்டத்தில் இருந்து 8100 அடி உயரத்தில் அமைந்த பசுமையான மலைதான் கொழுக்கு மலை. டீ' சாகுபடி மட்டுமே இந்த பகுதியில் நடக்கும் ஒரே தொழிலாகும். இங்கு இன்னமும் பழங்கால முறைப்படி செயல்படும் தேயிலை தொழிற்சாலை ஒன்றும் அமைந்திருக்கிறது. இங்குள்ள தேயிலை தொழிற்சாலையில் பாரம்பரியமான ஆங்கிலேயே முறைப்படி தயாரிக்கப்படும் நாம் குடிக்கும் தேநீரில் இருந்து வித்தியாசமான சுவையுடைய தேநீரை சுவைத்து மகிழலாம்.

சிறப்புகள் :

உலகிலேயே உயரமான இடத்தில் தேயிலை விளையும் ஒரே இடம் கொழுக்குமலை ஆகும். இந்த மலையின் சிறப்பு வருடம் முழுவதும் குளிர்வான காலநிலையை கொண்டிருக்கும். கொள்ளை அழகு கொண்ட கொழுக்குமலை தமிழகத்தில் அமைந்திருப்பது சிறப்பானதாகும். கொழுக்குமலை சுற்றுலா பயணிகளின் நுழைவுவாயிலாக சூரிய நெல்லி கிராமம் அமைந்துள்ளது. 

தேயிலை தோட்டங்கள் நிறைந்த பூப்பாறை கடந்து பெரிய கானல், சின்னக்கானல் வழியாகச் சென்றால் ரம்மியமாக பரந்து விரிந்து கிடைக்கும் டேம்தான் யானை இரங்கல் டேம். இந்த இடத்தை ஒரு நாள் முழுவதும் சுற்றிப் பார்த்து ரசித்து பரவசம் அடையலாம்.

பொதுவாக சில வகை மேகங்கள் 5000 அடி உயரத்தில் உருவாகும். ஆனால் 7000 அடி உயரத்திற்கு மேல் இருக்கிறது கொலுக்குமலை . மேகங்கள் அதிகம் சூழ்ந்திருப்பதால்  பக்கத்தில் இருப்பவர்கள் கூட தெரியாது.
இங்குள்ள மேகக் கூட்டங்கள் தேயிலை தோட்டங்களின் மலை முகட்டில் மறைந்து வெளியேறும் அனுபவத்தைப் பார்க்க முடியும். மேகக்கூட்டங்கள் மலைகளுடன் விளையாடுவது போலவும், ஆகாயங்கள் மலைகளுடன் பேசிக் கொண்டு இருக்கும் காட்சிகளைக் இங்கு கண்டுக்களிக்கலாம். இந்த காட்சிகளை காலை நேரங்களில் சூரியன் உதிக்கும் வேளையில் தாராளமாக பார்த்து ரசிக்கலாம். மலைகளும், மேகங்களும் ஆகாயம் தொட்ட அழகிய இடமாக கொழுக்குமலை திகழ்கிறது.

பிறகு கொழுக்குமலைக்கு அருகில் உள்ள மலை முகடுதான் மீசைப்புலி. கொழுக்குமலையில் இருந்து சுமார் 5 கிலோ மீட்டர் ஜீப்பில் பயணித்தால் மீசைப்புலி மலைப்பகுதியைச் சென்று அடையலாம். மீசைப்புலி மலை போடி தாலுகா கொலுக்குமலை அருகே இருந்தாலும்  கேரளா அரசின் கட்டுப்பாட்டில் உள்ளது. இங்கே மலையேற்றமும் செய்ய முடியும். மீசைப்புலி மலையின் சுற்றுவட்டாரப் பகுதிகளில் விரிந்துள்ள பசுமை அழகைக் காண முடியும். 

கொலுக்குமலை - எப்படி அடைவது ?:
தேனி மாவட்டத்தில் கேரளா, தமிழ்நாடு மாநில எல்லையை ஒட்டி அமைந்திருக்கிறது இந்த கொலுக்குமலை. மூணாறு வந்து அங்கிருந்து கிழக்கே 23 கி.மீ தொலைவில் உள்ள சூரிய நெல்லி என்கிற இடத்தை அடைய வேண்டும்
அதற்குமேல் காரில் பயணம் செல்வது மிகக்கடினம் என்பதால் இங்குவரும் சுற்றுலாப்பயணிகள் அனைவரும் தனியார் ஜீப் ஒன்றை வாடகைக்கு அமர்திக்கொள்கின்றனர். சூரிய நெல்லயில் இருந்து கொலுக்குமலை 10 கி.மீ தான் என்றாலும் இதனை சென்றடைய இரண்டு மணி நேரம் ஆகிறது. சுவாசப்பிரச்சனை இருப்பவர்கள், குழந்தைகள் இப்பயணத்தை தவிர்ப்பது நல்லது. 

கொலுக்குமலை - என்ன செய்யலாம் இங்கே ?

கொலுக்குமலையில் நாம் கண்டிப்பாக தவற விடக்கூடாத விஷயங்களில் முக்கியமானது இங்கு நிகழும் சூரிய உதயமாகும். அதிகாலையில் பனிவிலகாத பசுந்தேயிலைத் தோட்டத்தின் பின்னணியில் கைக்குழந்தையின் உள்ளங்கை போன்ற இளஞ்சிவப்பு நிறத்தை சூரியன் பரப்பும் காட்சி வார்த்தைகளில் அடங்காதது. 

கொலுக்குமலை - எங்கே தங்குவது ?:
கொலுக்குமலைப்பதை தனியாருக்கு சொந்தமானது என்பதால் நுழைவுக்கட்டணமாக 100 ரூபாய் செலுத்தவேண்டும். இங்கு தங்கவேண்டுமானால் கொலுக்குமலை தேயிலை உற்பத்தி ஆலையால் நடத்தப்படும் 3 படுக்கையறை வசதி கொண்ட தங்கும் விடுதி ஒன்று மட்டுமே உள்ளது. முன்னரே திட்டமிட்டு முன்பதிவு செய்துவிட்டு செல்வது நல்லது.

இப்படியொரு அழகான இடத்தை புதுமையாக ரசித்திட வேண்டும் என்று நினைப்பவர்கள் இரவில் கொலுக்குமலையில் 'கேம்ப்' அமைத்து தங்கலாம். இதற்கென்றே பிரத்யேகமான இடங்களும் இங்கே உண்டு

மலையேற்றம் செல்லவும் கொலுக்குமலை நல்லதொரு இடமாகும். கொலுக்குமலையில் இருந்து மீஷபுலிமலை வரை டிரெக்கிங்கில் ஈடுபடலாம். அப்போது இந்த கொளுக்குமலையை சுற்றியிருக்கும் சோலைக் காடுகள்,ஊசியிலைக்காடுகள், பசுமையான மேய்ச்சல் நிலங்கள் போன்றவற்றை பார்க்கலாம்.

  மொத்தத்தில் வழக்கமாக செல்லும் சுற்றுலாவில் இருந்து மாறுபட்டு சில நாட்கள் இனிமையாக, இயற்கையுடன் நெருக்கமாக களித்திட விரும்புகிறவர்கள் ஒருமுறைக்கு பலமுறை செல்லவேண்டிய ஓரிடம் இந்த கொளுக்குமலையாகும்.
பிற மாநிலத்திலோ பிற நாட்டிலோ இப்படிப்பட்ட இடங்கள் இருக்கும் என்று நீங்கள் நினைக்கலாம். ஆனால் நம்ம தென் தமிழகத்தில் சொர்க்கத்தின் உச்சிக்கே செல்லும் இடங்கள் நிறைய உள்ளது. நாம் தமிழகத்தில் வாழ பெருமைப்பட வேண்டும்

Best Time to Visit Yercaud

Yercaud is an esteemed tourist destination for its rich nature and pleasant climate. Though the weather remains favourable to visit throughout the year yet, summer is reckoned to be the ideal season to visit the town. However, touring Yercaud in winter is another good option as the town, during this time, too witnesses a favourable weather.

SUMMER

Summer is the best season to explore Yercaud. The month of March signifies the start of summer season in Yercaud and the weather remains relatively cool with the maximum temperature of 29°C. The season ends in May.

MONSOON

Yercaud experiences monsoon season from June to September and receives moderate rainfall. During these months, Yercaud glows with lush greenery along with fresh ambiance. One can also visit the place during this season after checking the weather forecast of the town.

WINTER

Another best season to visit, winter experiences a pleasant and favourable weather to explore the town with the temperature ranging from 13°C to 25°C. The month of November is the onset of the winter season in Yercaud which lasts until February

Gundaru dam is located next to Sengottai. This dam is around 7 kms from Sengottai. We got down from our auto.It is an important tourist place in Tenkasi district.A large number of domastic tourists on the way to courtalum visit this dam and park