கொங்கு மற்றும் தென் மாவட்டங்களில் இன்று கனமழை எச்சரிக்கை 

காற்று சந்திப்பு, காற்று முறிவு காரணமாக தமிழகத்தின் பல்வேறு மாவட்டங்களில் இன்று மழை பெய்யும் என எதிர்பார்க்கப்படுகிறது. நெல்லை தென்காசி கன்னியாகுமரி இராமநாதபுரம் விருதுநகர் மதுரை சிவகங்கை புதுக்கோட்டை திண்டுக்கல் தேனி கோயம்புத்தூர் ஈரோடு திருப்பூர் சேலம் ஆகிய 14 மாவட்டங்களில் இன்று கனமழைக்கு வாய்ப்பு.

தஞ்சை நாகை திருவாரூர் ஆகிய டெல்டா மாவட்டங்களிலும் இன்று மிதமான மழை பெய்யும். தூத்துக்குடி மாவட்டத்தை பொறுத்தவரை கடலோர பகுதிகளை தவிர மற்ற அனைத்து இடங்களிலும் இன்று நல்ல மழை பெய்யும். 

இராமநாதபுரம் விருதுநகர் மதுரை தென்காசி ஈரோடு சேலம் ஆகிய மாவட்டங்கள் இன்று சிறப்பான மழையை எதிர்கொள்ளும். 

தினசரி வானிலை அறிவிப்புகளை தெரிந்து கொள்ள www.tenkasiweatherman என்ற இணையதளத்தை பார்வையிடவும்.

-Tenkasi Weatherman.

தென் மாவட்டங்களில் அதீத கனமழை எச்சரிக்கை

தென் கிழக்கு வங்ககடல் மற்றும் அதனை ஒட்டியுள்ள இந்திய பெருங்கடல் பகுதியில் உருவான  காற்று சுழற்சி தற்போது தென் இலங்கை மற்றும் அதனை ஒட்டியுள்ள குமரி கடலை நோக்கி நகர்வதால் இன்று நள்ளிரவு நாளை அதிகாலை  முதல் டெல்டா மற்றும் தென் மாவட்டங்களில் மழை துவங்கும்  என எதிர்பார்க்கப்படுகிறது.

மழை குறித்து திருவள்ளுவர் :

கெடுப்பதூஉம் கெட்டார்க்குச் சார்வாய்மற் றாங்கே
எடுப்பதூஉம் எல்லாம் மழை.

விளக்கம் : பெய்யாமல் வாழ்வைக் கெடுக்க வல்லதும் மழை; மழையில்லாமல் வளம் கெட்டு நொந்தவர்க்கும் துணையாய் அவ்வாறே காக்க வல்லதும் மழையாகும்.

நாளை முதல் தமிழ்நாட்டின் வெப்பநிலை படிப்படியாக குறைந்து மழை அதிகரிக்கும். குறிப்பாக நாளை   தூத்துக்குடி நெல்லை தென்காசி இராமநாதபுரம் கன்னியாகுமரி விருதுநகர்  தஞ்சை நாகப்பட்டினம் திருவாரூர் மயிலாடுதுறை  ஆகிய 10 மாவட்டங்களில்  இடி மின்னலுடன்  கனமழை பெய்யும். மேலும் மதுரை தேனி திண்டுக்கல் சிவகங்கை கோவை ஈரோடு திருப்பூர் நீலகிரி ஆகிய உள் மாவட்டங்களிலும் மிதமான மழை பெய்யும். தமிழகத்தின் பிற உள் மாவட்டங்களிலும் ஆங்காங்கே மிதமான மழைக்கு வாய்ப்பு.

தென் மாவட்டங்களுக்கு சிறப்பு எச்சரிக்கை

தென் தமிழக கடல் பகுதியை ஒட்டிய மன்னார் வளைகுடா கடல் மேற்பரப்பு வெப்பநிலை 29°© ஆக உள்ளது. எனவே மன்னார் வளைகுடாவில் தொடர்ந்து மழை மேகங்கள் உருவாகும். இன்று நள்ளிரவு நாளை அதிகாலை முதல் தென் மாவட்டங்களில் மழை பெய்யும். குறிப்பாக நாளை இரவு நேரத்தில் பெய்யும் மழையானது உச்சகட்ட தீவிரமடையும். தொடர்ந்து 12 மணி நேரம் வரை இடைவிடாமல் மழை பெய்யும் என எதிர்பார்க்கப்படுகிறது .

இதன் காரணமாக தூத்துக்குடி நெல்லை தென்காசி கன்னியாகுமரி ஆகிய 4 மாவட்டங்களில் பல்வேறு  இடங்களில் கனமழை பெய்யும். நாங்குநேரி ராதாபுரம் சாத்தான்குளம் திசையன்விளை ஏரல் ஸ்ரீவைகுண்டம் நெல்லை சேரன்மகாதேவி கயத்தாறு கோவில்பட்டி விளாத்திகுளம் எட்டயபுரம் சிவகிரி சங்கரன்கோவில் ஆலங்குளம் விகேபுரம் தென்காசி திருவேங்கடம் கடையநல்லூர் இராமநாதபுரம் இராமேஷ்வரம் உள்ளிட்ட அனைத்து தாலுகாவிலும் கனமழை மிக கனமழைக்கான வாய்ப்புகள் உள்ளது. குமரி மாவட்டத்திலும் பெரும்பாலான இடங்களில் கனமழையும் சில இடங்களில் மிக கனமழைக்கும் வாய்ப்புள்ளது.

மேலும் தூத்துக்குடி திருச்செந்தூர் அம்பாசமுத்திரம் செங்கோட்டை ஆகிய 4 தாலுகாவில் அதீத கனமழைக்கு வாய்ப்பு.

குற்றால அருவிகள் களைகட்டும். பாபநாசம் மணிமுத்தாறு உட்பட தென் தமிழ்நாட்டில் உள்ள அனைத்து அணைகளுக்கும் நீர்வரத்து அதிகரிக்கும்.
 

மார்ச் மாத மழை குறித்த சுவாரஸ்ய வரலாறு:

கடந்த 132 ஆண்டுகால வானிலை வரலாற்றில் மார்ச் மாதத்தில் 5 புயல்களும் 2 காற்றழுத்த தாழ்வு மண்டலங்கள் வங்க கடலில் உருவாகி உள்ளது. 1938 ஆம் ஆண்டு உருவான  காற்றழுத்த தாழ்வு மண்டலம் இலங்கையும், 1994 ம் ஆண்டு உருவான காற்றழுத்த தாழ்வு மண்டலம் அந்தமானையும் நெருங்கியது ஆனால் தமிழகத்திற்கு வரவில்லை. அதன் பின்னர்  2022 ம் ஆண்டு ஒரு காற்றழுத்த தாழ்வு மண்டலம் உருவானது.2022 ம் ஆண்டு உருவான காற்றழுத்த தாழ்வு மண்டலத்தை பொறுத்தவரை  கடந்த 132 ஆண்டுகளில்  வானிலை வரலாற்றின் அடிப்படையில் தமிழகத்தை நெருங்கிய முதல் காற்றழுத்த தாழ்வு மண்டலம் இதுவே ஆகும்.

குமரி மாலத்தீவு காற்றழுத்தம்
இதற்கிடையே 2018 ல் குமரி கடல் மற்றும் அதனை ஒட்டியுள்ள மாலத்தீவு பகுதியில் உருவான காற்றழுத்த தாழ்வு மண்டலம் உருவானது இந்த காற்றழுத்தம் காரணமாக 2018 ம் ஆண்டு மார்ச் மாதத்தில் தூத்துக்குடி வரலாறு காணாத மழையை பெற்றது குறிப்பிடத்தக்கது.

தமிழகத்தில் மார்ச் மாத மழை பொழிவு

தமிழ்நாட்டில் மார்ச் மாதத்தில் மாநிலத்திலேயே அதிகமழை பெய்யும் மாவட்டம் தென்காசி. காற்று முறிவு காரணமாக இம்மாவட்டம் அதிகமழையை பெறும். இதுவரை கடந்த 87 ஆண்டு கால வானிலை வரலாற்றில் தமிழகத்தில் 2008 ம் ஆண்டு பதிவான மழை மிக மிக  அதிகம்.2008 ம் ஆண்டு மார்ச் மாதத்தில் தமிழகம் சராசரியாக 167 மிமீ மழையை பெற்றிருக்கிறது.

தென் மாவட்ட மக்களே கோடையிலும் ஒரு மழை காலத்தை ஏற்று கொள்வோம்.
குடை கொண்டு உன்னை
தடுக்க விரும்பாமல் கை
விரித்து தலை உயர்த்தி
உன்னை ரசிக்கிறேன் மழையே உனக்காக காத்திருக்கிறேன்.

-Tenkasi Weatherman.

தென் மாவட்டங்களில் மிக கனமழை எச்சரிக்கை

தென் கிழக்கு வங்ககடல் மற்றும் அதனை ஒட்டியுள்ள இந்திய பெருங்கடல் பகுதியில் உருவான  காற்று சுழற்சி தற்போது தென் இலங்கை மற்றும் அதனை ஒட்டியுள்ள குமரி கடலை நோக்கி நகர்வதால் மார்ச் 11 ம்தேதி முதல் டெல்டா மற்றும் தென் மாவட்டங்களில் கனமழை பெய்யும் என எதிர்பார்க்கப்படுகிறது.

மார்ச் 11 ம்தேதி தூத்துக்குடி நெல்லை தென்காசி இராமநாதபுரம் கன்னியாகுமரி விருதுநகர்  தஞ்சை நாகப்பட்டினம் திருவாரூர் மயிலாடுதுறை  ஆகிய 10 மாவட்டங்களில்  இடி மின்னலுடன்  கனமழை பெய்யும். மேலும் மதுரை தேனி திண்டுக்கல் சிவகங்கை கோவை ஈரோடு திருப்பூர் நீலகிரி ஆகிய உள் மாவட்டங்களிலும் மிதமான மழை பெய்யும். தமிழகத்தின் பிற உள் மாவட்டங்களிலும் ஆங்காங்கே மிதமான மழைக்கு வாய்ப்பு.

மார்ச் 12 ம்தேதியை பொறுத்தவரை நெல்லை தென்காசி மாவட்டங்களில் பரவலாக மழை பெய்யும். ஓரிரு இடங்களில் கனமழை பெய்யும். 

அதிகமழையை பெறும் தென் மாவட்டங்கள் :

மார்ச் 11 ம்தேதியை பொறுத்தவரை டெல்டா மற்றும் தென் மாவட்டங்களில் கனமழை பெய்யும் .குறிப்பாக அன்றைய நாளில் தூத்துக்குடி நெல்லை தென்காசி கன்னியாகுமரி இராமநாதபுரம் ஆகிய 5 மாவட்டங்களில் பல இடங்களில் கனமழையும் சில இடங்களில் மிக மிக கனமழைக்கும் வாய்ப்புள்ளது. 

மழையின் போது தரைக்காற்று பலமாக வீசும் இடி மின்னலும் வலுவாக இருக்கும். குற்றால அருவிகள் களைகட்டும். பாபநாசம் மணிமுத்தாறு உட்பட தென் தமிழ்நாட்டில் உள்ள அனைத்து அணைகளுக்கும் நீர்வரத்து அதிகரிக்கும்.

-Tenkasi Weatherman

தென் மாவட்டங்களில் கனமழை எச்சரிக்கை 

தெற்கு வங்க கடலில் உருவாகும் காற்று சுழற்சி தென் இலங்கை மற்றும் அதனை ஒட்டியுள்ள குமரி கடலை நோக்கி நகரும் என்பதால் மார்ச் 11 ம்தேதி முதல் தென் மாவட்டங்களில் கனமழை பெய்யும் என எதிர்பார்க்கப்படுகிறது.

மார்ச் 11 ம்தேதி தூத்துக்குடி நெல்லை தென்காசி இராமநாதபுரம் கன்னியாகுமரி ஆகிய தென் மாவட்டங்களில் இடி மின்னலுடன்  கனமழை பெய்யும். மேலும் விருதுநகர் மதுரை தேனி மாவட்டங்களில் மிதமான மழை பெய்யும். தஞ்சை நாகை திருவாரூர் மயிலாடுதுறை ஆகிய டெல்டா மாவட்டங்களிலும் கனமழைக்கு வாய்ப்புள்ளது. 

மார்ச் 12 ம்தேதி நெல்லை தென்காசி மாவட்டங்களில் பரவலாக மழை பெய்யும். ஓரிரு இடங்களில் கனமழை பெய்யும். 

தென் மாவட்டங்களை பொறுத்தவரை மீண்டும் மழைக்கான வாய்ப்பு ஏற்பட்டுள்ளது.எனவே விவசாயிகள் தங்கள் அறுவடைப்பணிகளை மார்ச் 10 ம் தேதிக்குள் முடித்து கொள்ளவும். மேலும் அறுவடை செய்யப்பட்ட பயிர்களை மழையில் நனையாதவாறு பாதுகாப்பை பலப்படுத்தவும். 

குற்றாலம் மீண்டும் களைகட்டும் : கடந்த வாரம் பெய்த தொடர் மழையால் குற்றால அருவிகளில் தொடர்ந்து நீர்வரத்து இருக்கும். மார்ச் 11 ம்தேதி மீண்டும் மழை பெய்யும் என எதிர்பார்க்கப்படுவதால் 11,12 ம்தேதிகளில் குற்றால அருவிகளில் வெள்ளப்பெருக்கு ஏற்பட வாய்ப்புள்ளது. 

இடி மின்னல் அதிகரிக்கும். : மார்ச் 11 ம் தேதி டெல்டா மற்றும் தென் மாவட்டங்களில் பெய்யும் மழையின் போது இடி மின்னல் வலுவாக இருக்கும் தரைக்காற்றும் பலமாக வீசும். 

தென் மாவட்ட மக்களே இது உங்களுக்கான காலம் கோடைகாலத்தில் ஒரு மழைகாலம் நன்றாக மழையை அனுபவியுங்கள்.

-Tenkasi Weatherman

சிவந்திப்பட்டியில் கொட்டி தீர்த்த மழை 

மாலத்தீவு அருகே நீடித்த காற்று சுழற்சியானது வங்க கடல் ஈரப்பதத்தை தென் தமிழகத்தின் ஊடாக இழுப்பதன் காரணமாக தென் மாவட்டங்களில் பரவலாக மழை பெய்து வருகிறது. 

குறிப்பாக தூத்துக்குடி நெல்லை தென்காசி மாவட்டங்களில் அடைமழை பெய்து வருகிறது. இந்த நிலையில் இன்றும் மழை தொடரும். தூத்துக்குடி நெல்லை தென்காசி மாவட்டங்களில் இன்று பல இடங்களில் கனமழைக்கு வாய்ப்பு.

தமிழ்நாட்டில் மிக அதிகமான மழை நெல்லை மாவட்டம் சிவந்திப்பட்டியில் 123 மிமீ மழை பதிவாகியுள்ளது. தூத்துக்குடி மாவட்டம் தேமாங்குளம் 117 மிமீ மழையும் ஸ்ரீவைகுண்டம் 106 மிமீ மழையும் பெய்துள்ளது. தூத்துக்குடி நெல்லை தென்காசி மாவட்டங்களில் 96 இடங்களில் மிதமான மழையும் 17 இடங்களில் கனமழையும் 2 இடங்களில் மிக கனமழையும் பதிவாகியுள்ளது.

பாபநாசம் அணை நீர்மட்டம் உயர்வு 

நெல்லை மலைப்பகுதிகளில் பெய்து வரும் தொடர்மழை காரணமாக அணைகளுக்கு நீர்வரத்து அதிகரித்துள்ளது. குறிப்பாக பாபநாசம் அணைக்கு நீர்வரத்து 1919 கன அடியாக உள்ளது. மணிமுத்தாறு அணைக்கு நீர்வரத்து 674 கன அடியாக உள்ளது. 

தென் மாவட்டங்களில் மழை தொடரும் : தூத்துக்குடி நெல்லை தென்காசி மாவட்டங்களில் இன்றும் மழை தொடரும். 

-Tenkasi Weatherman.

தென் மாவட்டங்களில் மிக கனமழை எச்சரிக்கை 

இலங்கை அருகே நீடித்த காற்று சுழற்சியானது இன்று குமரி கடல் அருகே நகர்ந்துள்ளது. இதன் காரணமாக நெல்லை தென்காசி மாவட்டங்களில் பரவலாக மழை பெய்து வருகிறது. இந்த நிலையில் இன்று தென் மாவட்டங்களில் மிக கனமழைக்கான வாய்ப்பு உள்ளது. 

இன்றைய தினம் தூத்துக்குடி நெல்லை தென்காசி இராமநாதபுரம் கன்னியாகுமரி விருதுநகர் சிவகங்கை மதுரை தேனி திண்டுக்கல் ஆகிய தென் மாவட்டங்களில் கனமழைக்கு வாய்ப்புள்ளது. நாகப்பட்டினம் மாவட்டத்திலும் இன்று கனமழை பெய்யும். 

மதுரை மண்டலத்தை பொறுத்தவரை கொடைக்கானல் மேகமலை ஸ்ரீவில்லிபுத்தூர் இராஜபாளையம் பகுதிகளிலும் இன்று மழை கொட்டி தீர்க்கும். நெல்லை மண்டலத்தை பொறுத்தவரை தூத்துக்குடி கன்னியாகுமரி மாவட்டங்களில் கனமழையும் நெல்லை தென்காசி மாவட்டங்களில் மிக கனமழைக்கும் வாய்ப்புள்ளது. 

மாஞ்சோலை காக்காச்சி நாலுமுக்கு ஊத்து ஆகிய இடங்களில் இன்று அதிகனமழைக்கு வாய்ப்புள்ளது. மேலும் தென்காசி  திருச்செந்தூர் காயல்பட்டினம் குலசேகரன்பட்டினம் பகுதிகளிலும் இன்று கனமழையை எதிர்பார்க்கலாம். 

குற்றாலம் களைகட்டும் 

நமது வானிலை பக்கம் முன்பே கணித்தப்படி இன்று முதல் குற்றால அருவிகள் களைகட்டும்.மேலும் நெல்லை தென்காசியில்  அனைத்து அணைகளுக்கும் நீர்வரத்து கணிசமாக அதிகரிக்கும். 

-Tenkasi Weatherman.