தமிழ்நாட்டில் இன்றும் நாளையும் அனல் பறக்கும்.

நேற்று தமிழ்நாட்டில் இந்த ஆண்டு இதுவரை இல்லாத அளவுக்கு வெப்பநிலை பதிவானது. கரூரில் வரலாறு காணாத வெப்பநிலை பதிவாகியுள்ளது. தமிழ்நாட்டில் இன்றும் நாளையும் கோடை வெயில் உச்சக்கட்டமாக பதிவாகும் என எதிர்பார்க்கப்படுகிறது.

இன்று தமிழகத்தின் பெரும்பாலான மாவட்டங்களில் 40°© க்கு மேல் வெப்பநிலை பதிவாகும். கரூர் நாமக்கல் சேலம் வேலூர் திருப்பத்தூர் தர்மபுரி திருச்சி ஆகிய மாவட்டங்களில் இன்று 44°© வரை வெப்பம் பதிவாக வாய்ப்புள்ளது. மதுரை திண்டுக்கல் தஞ்சாவூர் கடலூர் திருவண்ணாமலை சென்னை ஆகிய மாவட்டங்களிலும் 42°© வரை வெப்பநிலை பதிவாகும்.

தென் மாவட்டங்களான தூத்துக்குடி இராமநாதபுரம் தென்காசி கன்னியாகுமரி ஆகிய 4 மாவட்டங்களிலும் மிதமான வெப்பநிலையே பதிவாகும். நெல்லையில் இன்று 41°© வரை வெப்பம் பதிவாக வாய்ப்புள்ளது.

தமிழ்நாட்டில் நேற்றைய வெப்பநிலை விட இன்று மிக அதிகமான வெப்பநிலை பதிவாகும். தமிழக மக்கள் இன்றும் நாளையும் பகல் நேரங்களில் வெளியே செல்ல வேண்டாம்.

-Tenkasi Weatherman

தமிழ்நாட்டில் இன்று வெப்ப அலை வீசியுள்ளது. ஊட்டி கரூர் மாவட்டங்களில் இன்று வரலாறு காணாத வெப்பநிலையும் பதிவாகியுள்ளது. தமிழ்நாட்டில் இந்த ஆண்டு இன்று  பதிவான வெப்பநிலை மிக அதிகப்பட்ச வெப்பநிலையாகும்.

இன்று பதிவான வெப்பநிலை (01-05-2024)
கரூர் பரமத்தி - 111°F
வேலூர் - 111°F
ஈரோடு - 110°F
திருச்சி - 110°F
திருத்தணி - 109°F
தருமபுரி - 107°F
சேலம் - 107°F
மதுரை நகரம் - 107°F
மதுரை விமான நிலையம் - 107°F
திருப்பத்தூர் - 107°F
நாமக்கல் - 106°F
தஞ்சாவூர் - 106°F
மீனம்பாக்கம் - 105°F
கடலூர் - 104°F
பாளையங்கோட்டை - 104°F
கோவை - 104°F
நுங்கம்பாக்கம் - 102°F
நாகப்பட்டினம் - 102°F
இராமநாதபுரம் : 96°F
தூத்துக்குடி : 93°F
ஊட்டி : 84°F
கொடைக்கானல் : 84°F

தமிழகத்தில் வீசும் இந்த வெப்ப அலை அடுத்த மூன்று நாட்களுக்கு நீடிக்கும் என எதிர்பார்க்கப்படுகிறது. இயல்பை விட 5°© வரை அதிகரிக்கும். அதிக வெப்பநிலை அதிக ஈரப்பதம் காரணமாக தமிழக கடலோர மாவட்டங்களில் அதிகமான புழுக்கம் ஏற்படும்.

வெப்ப அலை என்றால் என்ன ?

தமிழகமானது இந்திய தீபகற்பத்தின் பேரிடர் பாதிப்புகளுக்குள்ளாகும் பகுதிக்குள் அமைந்துள்ளது. இங்கு வானிலை மற்றும் புவியியல் சார்ந்த பேரிடர்களான சூறாவளி, வெள்ளம், நிலநடுக்கம், சுனாமி மற்றும் வறட்சி போன்றவை அடிக்கடி ஏற்பட்டு வருகின்றது. சமீபகாலமாக வெப்பநிலையில் ஏற்படும் உயர்வால் கோடை மற்றும் பருவமழைக்கு முந்தைய மாதங்களில் வெப்ப அலை பாதிப்பு ஏற்பட்டு வருகிறது.
சமவெளிகளில் 40°©  (104°F)அல்லது அதற்கு மேலாகவும், மலைப் பிரதேசங்களில் 30°© (86°F) அல்லது அதற்கு மேலாகவும், கடலோர பகுதிகளில் 37°©  (99°F )அல்லது அதற்கு மேலாகவும் வெப்பநிலை உயரும் போது வெப்பஅலை நிகழ்வு ஏற்பட்டதாக கருதப்படும்.

பொதுமக்களுக்கு ஒரு அன்பான வேண்டுகோள் :

தமிழக மக்கள் காலை 11 மணி முதல் மாலை 4 மணி வரை வெளியே செல்வதை தவிர்க்கவும். குறிப்பாக கர்ப்பிணிகள் முதியவர்கள் வெளியே செல்ல வேண்டாம். சாலையோர வியாபாரிகள் திறந்த வெளியில் பணிபுரியும் காவல்துறையினர் ஓட்டுநர்கள் என அனைவரும் சற்று பாதுகாப்பாக இருக்கவும். அதிக அளவு நீர் அருந்தவும். உடலில் நீர் இழப்பை தடுக்கும் வகையில் பழச்சாறு இளநீர் மோர் ஆகிய இயற்கை பானகத்தை அருந்தவும்.

தமிழ்நாடு அரசு பொதுமக்களுக்கு தேவையான அளவு குடிநீர் வசதி அளிப்பதை உறுதி செய்ய வேண்டும். மேலும் பேருந்து நிலையங்கள் மற்றும் சுற்றுலா தலங்களிலும் நீர்பந்தல் அமைத்தல் நல்லது.

-Tenkasi Weatherman

தமிழ்நாட்டில் ஈரோடு சேலம் வேலூர் நாமக்கல் கரூர் தர்மபுரி திருச்சி திருப்பத்தூர் ஆகிய உள் மாவட்டங்களில் வெயில் கொளுத்துகிறது. இதே நிலை தொடரும். தென் மாவட்டங்களான நெல்லை தூத்துக்குடி மாவட்டங்களில் இயல்பான அளவிலே வெப்பம் பதிவாகிறது.

இன்று தமிழ்நாட்டில் மிக அதிகமான வெப்பநிலை ஈரோட்டில் 42°© ,வேலூரில் 41.6°© வெப்பநிலை பதிவாகியுள்ளது. திருப்பத்தூர் 41.4°©, சேலம் 42.1°©, கரூர் 41°© வெப்பநிலையும் பதிவாகியுள்ளது.
அடுத்த சில நாட்களை பொறுத்தவரை தமிழகத்தின் உள் மாவட்டங்களில் வெப்ப அலை வீசும் . தென் கோடி மாவட்டங்களான நெல்லை தூத்துக்குடி இராமநாதபுரம் ஆகிய தென் மாவட்டங்களில் இயல்பான அளவிலே வெப்பநிலை பதிவாகும்.  வெப்ப அலை வீசுவதற்கான வாய்ப்புகள் இல்லை. 

தமிழ்நாட்டின் பிற பகுதிகளை ஒப்பிடுகையில் தென் மாவட்டங்களில் வெப்பநிலை குறைவாக பதிவாகிறது.

-Tenkasi Weatherman.