(Posted on 23-10-2024) கொங்கு மற்றும்  தென் மாவட்டங்களில் மிக கனமழை எச்சரிக்கை 

காற்று முறிவு காரணமாக தமிழகத்தின் கொங்கு மற்றும் தென் மாவட்டங்களில் இன்றும் கனமழை பெய்யும் என எதிர்பார்க்கப்படுகிறது.  

இராமநாதபுரம் தூத்துக்குடி நெல்லை தென்காசி கன்னியாகுமரி விருதுநகர் மதுரை தேனி திண்டுக்கல் கோயம்புத்தூர் திருப்பூர் ஈரோடு ஆகிய 12 மாவட்டங்களில் இன்று பரவலாக மழை பெய்யும். சில இடங்களில் கனமழையும் ஓரிரு இடங்களில் மிக கனமழைக்கும் வாய்ப்புள்ளது.

கனமழையை பொறுத்தவரை கோயம்புத்தூர் திருப்பூர் ஈரோடு ஆகிய மாவட்டங்களில் இன்றும் கனமழை பெய்யும். மிக கனமழையை பொறுத்தவரை இராமநாதபுரம் தூத்துக்குடி நெல்லை தென்காசி கன்னியாகுமரி ஆகிய 5 தென் மாவட்டங்களில் மிக கனமழைக்கான எச்சரிக்கை வழங்கப்படுகிறது.  

Enjoy the rains 

மேலும் வானிலை தொடர்பான தகவல்களுக்கு www.tenkasiweatherman.com என்ற இணையதளத்தை பார்வையிடவும்.

-Tenkasi Weatherman

தென் மாவட்டங்களில் மிக கனமழை எச்சரிக்கை

குமரி கடலில் நிலவும் காற்று சுழற்சி காரணமாக நெல்லை தென்காசி கன்னியாகுமரி ஆகிய தென் மாவட்டங்களில் இன்று பெரும்பாலான இடங்களில் மழை பெய்யும். மாவட்டத்தின் சில இடங்களில் கனமழையும் ஓரிரு இடங்களில் மிக கனமழைக்கும் வாய்ப்புள்ளது.

வரும் 24 மணி நேரத்தை பொறுத்தவரை தூத்துக்குடி விருதுநகர் மதுரை தேனி திண்டுக்கல் கோயம்புத்தூர் திருப்பூர் ஈரோடு நீலகிரி ஆகிய மாவட்டங்களிலும் கனமழை பெய்யும்.தஞ்சை நாகை திருவாரூர் நாகப்பட்டினம் நாமக்கல் கரூர் சேலம் சிவகங்கை ஆகிய மாவட்டங்களிலும் பரவலாக மழை பெய்யும்.

தென் மாவட்டங்களுக்கு இன்று மிக சிறப்பான நாள் : நெல்லை தென்காசி கன்னியாகுமரி ஆகிய 3 மாவட்டங்களில் இன்று பல இடங்களில் கனமழை பெய்யும். ஒரு சில இடங்களில் மிக கனமழையும் பதிவாகும்.

Tenkasi Weatherman.

தென் கடலோர மாவட்டங்களில் கனமழை எச்சரிக்கை 

குமரி கடலில் நிலவும் காற்று சுழற்சி காரணமாக தமிழகத்தில் பல்வேறு மாவட்டங்களில் மழை பெய்து வருகிறது. தற்போது மன்னார் வளைகுடா மற்றும் அதனை ஒட்டியுள்ள தென் தமிழக கடல் பகுதியில் மழை மேகங்கள் உருவாகிறது. 

இன்று இரவு நாளை அதிகாலை நேரங்களில் தென் கடலோரங்களில் நல்ல மழை பெய்யும். இராமநாதபுரம் தூத்துக்குடி நெல்லை ஆகிய மாவட்டங்களில் பரவலாக மழை எதிர்பார்க்கலாம். இராமேஷ்வரம் தூத்துக்குடி திருச்செந்தூர் காயல்பட்டினம் குலசேகரன்பட்டினம் உவரி திசையன்விளை ராதாபுரம் உடன்குடி ஆகிய இடங்களில் கனமழை பதிவாகும்.

-Tenkasi Weatherman.

தென்காசியில்  கொட்டி தீர்த்த மழை 

தமிழ்நாட்டில் மிக அதிகமான மழை தென்காசி மாவட்டம் சிவகிரியில் 120 மிமீ மழை பதிவாகியுள்ளது. 
இராமநாதபுரம் தூத்துக்குடி திருநெல்வேலி தென்காசி கன்னியாகுமரி  விருதுநகர் மதுரை திண்டுக்கல் தேனி கோயம்புத்தூர் ஈரோடு திருப்பூர் நீலகிரி நாமக்கல் கரூர் திருச்சி ஆகிய 16 மாவட்டங்களில் இன்று கனமழைக்கு வாய்ப்புள்ளது.

Tenkasi Weatherman.

தென் மாவட்டங்களில் கனமழைக்கு வாய்ப்பு 

குமரி கடலில் காற்று சுழற்சி  உருவாக சாதகமான சூழல் ஏற்பட்டுள்ளது. வரும் 48 மணி நேரத்தில் காற்று சுழற்சி உருவாகும். இந்த புதிய காற்று சுழற்சி தென் தமிழக கடற்கரையை நோக்கி நெருங்கும் என்பதால் தமிழகத்தில் கோடைமழை தீவிரமடையும்.

இன்று மற்றும் நாளை தமிழ்நாட்டில் ஆங்காங்கே மழை பெய்யும். தென் தமிழக மாவட்டங்களான இராமநாதபுரம் விருதுநகர் மதுரை திண்டுக்கல் தேனி தென்காசி நெல்லை தூத்துக்குடி கன்னியாகுமரி ஆகிய மாவட்டங்களில் கனமழை பெய்யும். ஓரிரு இடங்களில் மிக கனமழைக்கு வாய்ப்புள்ளது. 
நெல்லை மலைப்பகுதிகளான பாபநாசம் முண்டந்துறை மாஞ்சோலை காக்காச்சி நாலுமுக்கு ஊத்து குதிரைவெட்டி ஆகிய மலைப்பகுதிகளிலும் கனமழை பதிவாகும். 

இன்று நாமக்கல் சேலம் திருச்சி கரூர் தர்மபுரி கிருஷ்ணகிரி நீலகிரி ஆகிய மாவட்டங்களில் மிதமான மழை பெய்யும். கொடைகானல் வால்பாறை கூடலூர் நீலகிரி மலைப்பகுதிகளிலும் இன்று மழை எதிர்பார்க்கலாம். 

புதிய காற்று சுழற்சி கிழக்கு திசை காற்று வீசும். 

குமரி கடலில் புதிய காற்று சுழற்சி உருவாக இருப்பதால் மே 13 ம்தேதிக்கு பிறகு தமிழ்நாட்டில் மழையின் அளவு படிப்படியாக அதிகரிக்கும். வரும் வாரத்தில் குற்றால அருவிகளிலும் நீர்வரத்து அதிகரித்து வெள்ளப்பெருக்கு ஏற்பட வாய்ப்புள்ளது. 

அணைகளுக்கு நீர்வரத்து அதிகரிக்கும்.

தமிழக மேற்கு தொடர்ச்சி மலையின் நீர்பிடிப்பு பகுதிகளில் நல்ல மழை பெய்யும் என எதிர்பார்க்கப்படுவதால் பாபநாசம் மணிமுத்தாறு முல்லை பெரியார் வைகை உள்ளிட்ட தமிழக அணைகளுக்கு நீர்வரத்து அதிகரிக்கும். 

-Tenkasi Weatherman. 

தமிழ்நாட்டில் ஒரு மழைகாலம்.  தீவிரமடையும் கோடைமழை 

மன்னார் வளைகுடா மற்றும் அதனை ஒட்டியுள்ள குமரி கடல் பகுதியில் உருவாகும் காற்று சுழற்சி காரணமாக தமிழ்நாட்டில் கோடைமழை தீவிரமடையும் என எதிர்பார்க்கப்படுகிறது.  பொதுவாக கோடைகாலங்களில் தமிழ்நாட்டில் குமரி தென்காசி கோவை நீலகிரி திண்டுக்கல் ஆகிய மேற்கு தொடர்ச்சி மலை மாவட்டங்கள் தான் அதிகமழை பெறும். 

இந்த நிலையில் புதிய காற்று சுழற்சி காரணமாக தமிழகத்தின் தென் மாவட்டங்கள் மேற்கு தொடர்ச்சி மலை மாவட்டங்கள் வட மாவட்டங்கள் என பெரும்பாலான மாவட்டங்களிலும் நல்ல மழை பெறும். குறிப்பாக வரும் 24 மணி நேரத்தை பொறுத்தவரை இராமநாதபுரம் தூத்துக்குடி நெல்லை குமரி ஆகிய தென் கடலோர மாவட்டங்களில் கனமழைக்கான வாய்ப்பு உள்ளது. 

மதுரை விருதுநகர் திருச்சி வேலூர் சேலம் உள்ளிட்ட உள்மாவட்டங்கள் மற்றும் கோயம்புத்தூர் நீலகிரி திருப்பூர் தென்காசி தேனி ஆகிய மலைமாவட்டங்களிலும் அடுத்த 5 நாட்களுக்கு நல்ல மழையை எதிர்பார்க்கலாம். 
பொதுவாக கடலோர பகுதிகளில் நள்ளிரவு அதிகாலை நேரங்களிலும் உள் தமிழகம் மற்றும் மேற்கு தொடர்ச்சி மலை மாவட்டங்களில் மாலை இரவு நேரங்களிலும் மழை எதிர்பார்க்கலாம். 

வரலாறு சொல்வது என்ன?  மே மாத வரலாற்றில் 10 ஆண்டுகளுக்கு பிறகு அதிகமழையை சந்திக்கிறதா தமிழகம்?

2014 ம் ஆண்டு குமரி கடலில் உருவான காற்றழுத்த தாழ்வு பகுதிகாரணமாக மே 7,8 ம்தேதி தமிழ்நாட்டில் பெரும்பாலான இடங்களில் மழை பதிவானது. குறிப்பாக நெல்லை மாவட்டத்தில் அதீத கனமழை பதிவானது. தூத்துக்குடி இராமநாதபுரம் குமரி தென்காசி மாவட்டங்களிலும் மிக கனமழை பதிவானது.  நெல்லை மாவட்டம் பாபநாசம் பகுதியில் ஒரே நாளில்  300 மிமீ மழையும் மணிமுத்தாறு 266 மிமீ மழையும் அம்பாசமுத்திரம் 225 மிமீ மழையும் பதிவானது. நாங்குநேரி 174 மிமீ, சேரன்மகாதேவி 152 மிமீ, காயல்பட்டினம் 150 மிமீ ,கொட்டாரம் 143 மிமீ,குளச்சல் 109 மிமீ, கமுதி 106 மிமீ,நாகர்கோவில் தென்காசி 94 மிமீ மழையும் பதிவானது. மே மாத வரலாற்றில் 10 ஆண்டுகளுக்கு பிறகு அதிகமழையை தமிழகம் பெறுகிறது. 

இதே போல தற்போது குமரி கடலில் காற்று சுழற்சி உருவாகுவதால் ஒட்டு மொத்த தென் மாவட்டங்களுமே நல்ல மழை பெறும். கொங்குமாவட்டங்கள் தமிழக உள்மாவட்டங்கள் என தமிழ்நாட்டின் பெரும்பாலான இடங்களிலும் மழை எதிர்பார்க்கலாம். இந்தாண்டு தமிழகத்தில் கோடைமழை கடும் பற்றாக்குறையாக இருந்த நிலையில் வரும் நாட்களில் இயல்பை விட அதிகமழை என்ற நிலையை தமிழகம் எட்டும்.

வெப்ப அலை தொடருமா?  தமிழ்நாட்டில் கடந்த ஒரு மாதத்திற்கு மேலாக வெப்பஅலை வீசிய நிலையில் இனி தமிழ்நாட்டில் வெப்ப அலை என்ற பேச்சுக்கே இடமில்லை. அடுத்த 10 நாட்களுக்கு இயல்பை விட மிக குறைவான வெப்பநிலை பதிவாகும். மழை தீவிரமடைவது எப்போது? தமிழ்நாட்டில் அடுத்த மூன்று நாட்களுக்கு பரவலாக மழை பெய்யும். மே 12 ம்தேதி முதல் மழையின் அளவு படிப்படியாக அதிகரிக்கும். 

-Tenkasi Weatherman